موقع ومنتديات نصرت البدر | Nasrt Albadr


    قصيدة.. چـف الصلح

    شاطر
    avatar
    المعذب دائما
    عضو بعده بالباكيت
    عضو بعده بالباكيت

    المشاركات : 6
    العمل/الترفيه : طالب جامعي
    تاريخ التسجيل : 17/05/2012

    قصيدة.. چـف الصلح

    مُساهمة من طرف المعذب دائما في الخميس مايو 17, 2012 5:31 pm

    ميفيد
    بيك الحچي

    وليفيد بيك النصح..
    اتعلعلت روحي بمرض
    من سلمتهة ألك
    ابلا رحمة ليش وغفل
    جيت اطعنتهة برمح ..
    أخضر خطية الحلم
    هستوه شاف الصدگ
    اشمالك بنيه هدم
    بيدك جبتله الصبح..
    وفص ملح لاقصرت
    بالزاد لوفص وفة
    لو حاط احسن اضن
    مغشوش ثاري الملح..
    طاح اووگع عالأرض
    وجروح گلبي انترس
    من راد منك دوة
    داويته ليش بجرح..؟!
    اشما كبرت او وردت
    الوردة بين الورد
    ابچلاب تنگص اذا
    تتكبر أعلى الفلح..
    والرقم لو ينجمع
    ويشيل خشمة ابحقد
    يرجع لحد الصفر
    لو يمة صار الطرح..
    كوخ انتة وبلا سگف
    ومشلوع بابك شلع
    ياهو الأجة او ورطك
    توگف بوجه الصرح..
    مد ايدك أعلى الجرح
    وأثبت حسن نيتك
    ماريد شايل حقد
    واتمدلي چف الصلح..
    حسرات عندي وقسم
    بالشعر لو تنكتب
    صدگني تزحف قهر
    تفعيلة المنسرح..
    لوما امور أشكثر
    منهة الأساس القوي
    بدموعي اقسم ألك
    ماصار عالي السطح..
    كلش چبير الفرق
    بين الغرگ بالحزن
    والغرگ وسط النهر
    مايعرف أعلى السبح..
    عالشيب شعري انتچة
    وعلى صدر شامت ركض
    مد روحه طول وعرض
    شعرك هذاك السرح..
    دمعاتي جانت مرة
    مستوره جوه الجفن
    والچف طعنتك فضل
    عالخد فضحهن فضح..
    سل خنجرك عالگلب
    ماعندي اي مشكلة
    بس لاتسل كلمتك
    وبروحي تذبح ذبح

    الشاعر
    ياسر التميمي
    avatar
    شذي
    عضو بعده بالباكيت
    عضو بعده بالباكيت

    المشاركات : 26
    العمل/الترفيه : 'طالبه
    تاريخ التسجيل : 20/05/2012

    رد: قصيدة.. چـف الصلح

    مُساهمة من طرف شذي في الثلاثاء يونيو 26, 2012 1:12 pm

    مشكووووووووووورررررررررر يسلممممممممموووووووالقصيده راااائعه ونتظر جديدك

      الوقت/التاريخ الآن هو الثلاثاء أكتوبر 24, 2017 5:21 am