موقع ومنتديات نصرت البدر | Nasrt Albadr


    غزل عراقي

    شاطر

    لؤي ح
    مشرف
    مشرف

    المشاركات : 41
    العمل/الترفيه : كاعد
    تاريخ التسجيل : 24/07/2011

    غزل عراقي

    مُساهمة من طرف لؤي ح في السبت أكتوبر 15, 2011 2:58 am


    بديل الها الكمر
    لوشمسي ساعة تغيب
    بس انت إن غبت
    ياهو بديلك؟!

    يبو طول الحلو
    بوصفك تعبت الناس
    من شيل الحسن
    ما تعب حيلك؟!

    بقالب هالبشر
    الله حط عيون
    وانت بقالبك
    بدرين منطيلك

    اذا دمعك نزل
    بسرعة شك الليل
    من ثوبه جزء
    سواه منديلك

    واذا يطفى الضوة
    ويصعب عليك الشوف
    الكمر ينزل الك
    ويصير قنديلك

    ولو تمشي احسّك
    انت واكف بس
    هي الكاع من جواك تمشيلك

    واذا مرة احزنت
    من يمة يبجي الليل
    ومثل جري الدموع
    نجومة تجريلك

    انت مو حلو
    هواي اكو حلوين
    جميل انت
    وابد ماكو مثيلك

    يبخت امك حبيبي
    وبخت اهلك بيك
    وبخت كلمن كعد
    لحظة مقابيلك

    الفرات ودجلة صارو
    بس الك يجرون
    واسد بابل تحرك كام يغنيلك

    وهناك بمصر
    اختفى نهر النيل
    وبلحدود انلزم رايد يجيلك

    وهناك بمصراختفى نهر النيل
    وبلحدود انلزم رايد يجيلك

    avatar
    انسان ثاني
    انســـ 2 ـــــــان
    انســـ 2 ـــــــان

    المشاركات : 811
    العمل/الترفيه : طالب
    تاريخ التسجيل : 21/08/2008

    رد: غزل عراقي

    مُساهمة من طرف انسان ثاني في الأحد أكتوبر 16, 2011 9:24 am

    عاااااااااااااااااااااشت ايدك


    روعه كولش

    [ندعوك للتسجيل في المنتدى أو التعريف بنفسك لمعاينة هذه الصورة]


    _________________




    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الأربعاء أكتوبر 18, 2017 2:26 pm