موقع ومنتديات نصرت البدر | Nasrt Albadr


    على خشبة مصاطب جامعة الانبار

    شاطر

    لؤي ح
    مشرف
    مشرف

    المشاركات : 41
    العمل/الترفيه : كاعد
    تاريخ التسجيل : 24/07/2011

    على خشبة مصاطب جامعة الانبار

    مُساهمة من طرف لؤي ح في الجمعة أكتوبر 14, 2011 1:32 pm

    على خشبة مصاطب جامعة الانبار
    اتعاهدنة وحلفنة وزادنة اتملح


    دوخني كلامك ..شمر بيه بعيد
    تحبني..مشتريني .. غيري مايصلح


    كضيت اربع سنين بمسرح الاوهام
    اجت سنة التخرج حركت المسرح!


    مو انت الاعرفك.. مدري اعرفك زين؟؟
    انت الجنت واضح، مدري صرت اوضح !!


    ضاعت لهفتك صفنة بوجه عميان
    ما مشتاك يمكن ،، لا على الارجح


    لفيت الشهادة وردت بس تروح
    اظن وقتك ثمين وكام مايسمح


    ارحم ساعتك ، لتباوعلهة هواي
    الوقت كالسيف عدك خاف نتذبح


    تسأل ليش راسب ؟ آنهاكلك ليش
    حبيتك صدك.. واليحب ما ينجح !!!!!


    وكت الجنت تقرة وتنسأل وتكوم
    وتعيد الدرس وتناقش وتشرح


    آنه اسأل بروحي شبعد ونلاكيه؟؟
    وناقشهة شجاوب لو علي صبّح؟؟


    عالصبورة عيني وعقلي كلة وياك
    عين بلا دماغ.. شتجمع؟؟شتطرح؟؟


    ولأن كاعد وراي وما اشوفك زين
    رضيت لنفسي اصير بخانة الوكّح


    متفوق بحبك آنه مو كسلان
    خلصت الدوام بوجهك اتصفح


    تكتبوالشعر يسرح على الوجنات
    من باب التضامن انشده واسرح


    اكطعلك ورد مثل الطفل واهديك
    وعمال الحديقة لسانهم يجرح


    غلطو ، واشتكو ، واتعهدت مجبور
    كمت اضرب حصص ووياهم اتفلح


    اصعد على الشجرة واكتب اسمك فوك
    موشغلة بطر، بس ردتة يتمرجح


    طردت من الاحلام هواي ناس عزاز
    خليتك لوحدكتسرح وتمرح


    انام المغربية بغيد درب الليل
    و امي تكلي دنية غروب مايصلح


    لا.. يصلح كلت .. خالفت اغلى الناس
    جنت غلطان آني وامي رب الصح


    ليش،،بطرك ليش انتهت قصتي وياك
    وأسف يتبع اسف .. وبأسف يتلقح
    وسلامتكم
    [/size][/b]

    [/size][/b][/center]

      الوقت/التاريخ الآن هو الثلاثاء ديسمبر 12, 2017 7:01 am