موقع ومنتديات نصرت البدر | Nasrt Albadr


    مأكولات الجامعات العراقية

    شاطر
    avatar
    رومانسي الفلوجه
    رومانسي الفلوجه
    رومانسي الفلوجه

    المشاركات : 221
    العمل/الترفيه : معاون طبي
    تاريخ التسجيل : 27/10/2008

    مأكولات الجامعات العراقية

    مُساهمة من طرف رومانسي الفلوجه في الإثنين يوليو 18, 2011 2:03 pm

    مأكولات الجامعات العراقية >_< }}}}}



    مساء الخير :

    موضوعي اليوم هو خاص بمأكولات الجامعة, المعروف انه لا يجوز التقليد على الطعام ( نعمه الله علينه ) ولكن الغرض من الموضوع هو اظهار الغش لدى مطاعم وكافتريات الجامعات.

    س : ليش مراح يصير براس كافتريات الجامعة خير ؟

    ج : لان العميد اله حصة من كل المطاعم والمؤكولات ورخصة الفتح تابعة للعميد (( رشاوي ودفاتر )) وماكو رقابة صحية.

    هسة نبدي انصنف .... راح اخذ كعينة كافتريا كلية اللغات جامعة بغداد


    1-ابو الشاورما ( كص ) : طبعاً اظهرت دراسة المانية ان نسبة الانتحار لدى طلبة الجامعات زادت وره ما اكلو شاورما من كافتريات الجامعات العراقية, وهية عيني عود شلون شاورما (( الله الله )) جنك دتاكل تاير بالصمونة, وعلى سيرة الصمونة تلكاها طولها 30 سنتمتر تاكل تلث ارباع الصمونة وبعدك مواصل للحم وياريتك متوصل, واللحم يرادلة منشار الا يكدر يكصة من الشيش ويوكع بالصينية ما ادري جدرية من كثر ما وصخة ما عرفت شنهية.

    2-ابو الفلافل : اتذكر بالحصار وبالضيم لفه الفلافل من تاكلها صدك حظاره, اشو هسة الفلافل يمكن يخبطوها ويا رمل زميج تعلس بيها وما تنعلس اتكول علج بوبي, ولازم تشرب وياها 20 لتر مي الا تنزل اللكمة, خوب دهن التقلا؟؟ اويلي اتكول دهن بريك اسود من البامبو السوداني, والطاوة مالته تلكاها من زمن خولة بن الازور, والزلاطة مالته يمكن اذا يكشفون عليها خبراء يكتشفون امراض الميت سنة الجاية من كثر ما وصخة.

    3-ابو اللحم بعجين : هذا حاط يمة طشد لحم مثروم ومتعرف شنو مذهب هل لحم لونة وردي فاتح (( لحم صخل تايواني )) المهم هذا كل شوية يسلم على واحد ويروح للحمام ويمشط ويرجع يكمش اللحم والعجينة اتكول كارتونة ووره ما تطلع يحطلك صاص؟؟ طعمها يطلع مثل دفتر ابو المية راشين عليه كجب.


    4-ابو الهمبركر : خوب هذا ابو الهمبركر مالتنه دينافس سجن كوانتانامو بالتعذيب, الهمبركر من تاكلة اقل شي سننين يبقن باللحمة من اتعضها من كثر ما قوية انت اتجر واللحمة اتجر ومن تقسمها متنقسم على شكل العضة مالتك لا بابا لا, لو اتطير نصها بحلكك يعني اللكمة بحلكك ونصها برة لو تاخذلها شكل هندسي ومن تعلسها يرادلك ربع ساعة باللكمة, والصمونة بكد راسك حتى تشبع والطماطاية كشرها اتكول كشر برتقالة.




    5-ابو الجاي والكهوه : هذا من تروح اتكلة اريد جاي يكلك يا جاي؟ احمد لو محمود لو ليبتون لو عبد الصمد لو افتخار ؟؟ هو جاي دجيب اي شي وخلصنة وراها يكلك اتريدة بكوب لو كلاص بلاستك ووهنا تبدي المشكلة الحقيقية : اذا تاخذة بكوب يمكن قبلك شاربة بي الفراششة والله لا يوريك اسنونها (( فلم رعب )) واذا تاخذة بكلاص بلاستك فبعد مبيك تمشي بي لانه ازدحام وبس تندار تلكة 16 واحد دينتظرون وراك والميوزة محجوزة ووحدة ثولة تدفعك من وره واتجبة على الكيدامك اللي قميصة ابيض يعني كابوس, ومن تطلب منه نسكافي يكلك نسكافي بالحليب؟؟ لعد بالبيبسي.





    6-ابو النساتل : طبعا اللي يشتغلون هاية الشغلة اتكول ضباط بالمغاوير (( كل واحد شايف نفسة مدير عام )) والبسكت والكيكات وهل سوالف كلها منتهية صلاحيتها, ومن اتكلة يكلك عادي بيها مجال (( تكول هو مصنعها )) مرة لكيت بسكت من سنة 2005 كتله هذا شنو بسكت اثري؟؟ كلي عادي يستحمل ما بي شي (( قابل هو تايد حتى يستحمل )) , خوب النساتل (( الله الله )) البلد الوحيد بالعالم احنة اللي النستلة بي تنشرب, مايعه فد نوب (( وحقها )) فمن تفتحها اتكول دتفتح عبوة تتلغمط وتلغمط اللي بصفك والميز همينة خوب ويا الزي الموحد اتصير مسرحية الشغلة بالقميص الابيض وتاليتها تشربها ولازم اتروح اتغسل وتشتري كلينكس يعني تطلعلك اكل النستلة اصعب من الروحة للسويد.





    7-ابو المشروبات والكوكتيل : هاية على اساس تطور, من تشرب كوكتيل كأنه شارب مي وشكر وصابون ركي, متعرف شنو فلم هل كوكتيل وكل ما يخلص يباوع يسرة يمنه ويطلع سطلة من جوة ويترس المكينة, وهاي الصطلة نفسها اني شايفهم يمسحون كاع الكافتريا بيها, خوب اذا تطلب عصير زبيب اتكول تيزاب وخاصتا اذا مو كلش بارد, بس همة مستغلين درجة الحرارة, اما المشروبات حاطيها بمجمدات خربانة ما بيها باب يحطون مليون قوطية بيها وفص ثلج على اساس راح تبرد.


    منقول للأمانهمأكولات الجامعات العراقية >_< }}}}}

      الوقت/التاريخ الآن هو الجمعة يونيو 22, 2018 7:19 am